കോവിഡ് മൂലമുണ്ടായ പ്രതിസന്ധി മറികടക്കാന്‍ റൂട്ടുകള്‍ വെട്ടികുറച്ച്‌ എയര്‍ഇന്ത്യ. അഞ്ച് യുറോപ്യന്‍ നഗരങ്ങളിലേക്കുള്ള സര്‍വീസാണ് എയര്‍ ഇന്ത്യ നിര്‍ത്തിയത്.
സാമ്ബത്തികമായി ലാഭകരമല്ലെന്ന കാരണത്താലാണ് സര്‍വീസ് നിര്‍ത്തുന്നതെന്നും എയര്‍ ഇന്ത്യ അറിയിച്ചു. മാഡ്രിഡ്, മിലാന്‍, കോപ്പന്‍ഹേഗന്‍, വിയന്ന, സ്റ്റോക്ഹോം തുടങ്ങിയ നഗരങ്ങളിലേക്കുള്ള സര്‍വീസാണ് നിര്‍ത്തിയത്. എയര്‍ ഇന്ത്യക്കുള്ളില്‍ ഇതുമായി ബന്ധപ്പെട്ട ഉത്തരവ് കമ്ബനി കൈമാറിയിട്ടുണ്ട്. ഈ നഗരങ്ങളിലെ ബുക്കിങ് കേന്ദ്രങ്ങളുടെ പ്രവര്‍ത്തനം ഉടന്‍ നിര്‍ത്തണമെന്ന് എയര്‍ ഇന്ത്യ അറിയിച്ചു.
2024 വരെ അന്താരാഷ്ട്ര വിമാന സര്‍വീസ് സാധാരണ നിലയിലാവില്ലെന്നാണ് അയാട്ടയുടെ (ഇന്‍റര്‍നാഷണല്‍ എയര്‍ ട്രാന്‍സ്പോട്ട് അസോസിയേഷിന്‍) പ്രവചനം.
