യുഎഇയിൽ ഗോൾഡ് വിസ അനുവദിച്ച കോവിഡ് -19 ഫ്രണ്ട് ലൈനർമാരുടെ പട്ടികയിൽ ദുബായിലെ തൊണ്ണൂറ് ഡോക്ടർമാരെ ചേർത്തു. കോവിഡ് -19 പാൻഡെമിക്കിനിടെ രോഗികളെ ചികിത്സിച്ച 90 ഡോക്ടർമാർക്കാണ് 10 വർഷത്തെ റെസിഡൻസ് വിസ നൽകിയതായി അൽ ജലീല ചിൽഡ്രൻസ് സ്പെഷ്യാലിറ്റി ഹോസ്പിറ്റൽ സ്ഥിരീകരിച്ചത്. ഡോക്ടർമാർ, ശാസ്ത്രജ്ഞർ, ഗവേഷകർ, നിക്ഷേപകർ, തങ്ങളുടെ മേഖലകളിൽ വ്യക്തിമുദ്ര പതിപ്പിച്ച സംരംഭകർ എന്നിവർക്ക് നൽകിയ 10 വർഷത്തെ സ്ഥിരം റെസിഡൻസി വിസയാണ് കഴിഞ്ഞ വർഷം പ്രഖ്യാപിച്ചത്.
യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഹിസ് ഹൈനസ് ഷെയ്ഖ് മുഹമ്മദ് ബിൻ റാഷിദ് അൽ മക്തൂം നൽകിയ നിർദേശത്തിന്റെ അടിസ്ഥാനത്തിൽ ഈ വർഷം മെയ് മാസത്തിൽ ദുബായ് ഹെൽത്ത് അതോറിറ്റിയിലെ 212 പ്രവാസി ഡോക്ടർമാർക്ക് ഇതേ വിസ ലഭിച്ചു. ” ഞങ്ങളുടെ ഡോക്ടർമാരോട് ഈ അഭിനന്ദനം രേഖപ്പെടുത്തിയ ഞങ്ങളുടെ നേതൃത്വത്തിന് നന്ദി. ഇത് ലഭിച്ച ഡോക്ടർമാരോട് മാത്രമല്ല, ഓരോ ടീം അംഗത്തിനും ജലീല ചിൽഡ്രൻസ് ആശുപത്രിക്കു മൊത്തത്തിലും അഭിനന്ദനം. ഞങ്ങളുടെ യുവ രോഗികൾക്കും അവരുടെ കുടുംബങ്ങൾക്കും ഉയർന്ന നിലവാരമുള്ള പരിചരണം നൽകുന്നതിന് അശ്രാന്തമായി പ്രവർത്തിക്കുന്നത് തുടരാൻ ഈ ഉദാരമായ ആംഗ്യം വലിയ പ്രചോദനം നൽകുന്നു”- അൽ ജലീല ചിൽഡ്രൻസ് ഹോസ്പിറ്റൽ സിഇഒ ഡോ. അബ്ദുല്ല അൽ ഖയാത്ത് പറഞ്ഞു.
യുഎഇയിലെ ആദ്യത്തെ ഏക ശിശുരോഗ ആശുപത്രിയായ അൽ ജലീല ചിൽഡ്രൻസ് സ്പെഷ്യാലിറ്റി ഹോസ്പിറ്റൽ 18 വയസ്സ് വരെ കുട്ടികളെയും കൗമാരക്കാരെയും പരിപാലിക്കുന്നു. 2016 നവംബർ ഒന്നിന് ഉദ്ഘാടനം ചെയ്ത അൾട്രാമോഡെൺ 200 ബെഡ് ഹോസ്പിറ്റലിൽ ലോകോത്തര ആരോഗ്യ സംരക്ഷണ വിദഗ്ധർ പ്രവർത്തിക്കുന്നു.
