ഇന്ത്യയില്‍ കോവിഡ് രോഗബാധിതരുടെ എണ്ണം 75 ലക്ഷത്തിലേക്ക്. കഴിഞ്ഞ 24 മണിക്കൂറിനിടെ രാജ്യത്ത് 61,871 പേര്‍ക്കാണ് കോവിഡ് രോഗബാധ സ്ഥിരീകരിച്ചത്.
ഇതോടെ രാജ്യത്തെ കോവിഡ് രോഗികളഉടെ എണ്ണം 74,94,551 ആയി ഉയര്‍ന്നു. കഴിഞ്ഞ ഒരാഴ്ചയ്ക്ക് ശേഷം ഇന്ത്യയില്‍ കോവിഡ് മരണങ്ങള്‍ വീണ്ടും ആയിരം കവിഞ്ഞു.
ഇന്നലെ മാത്രം രാജ്യത്ത് 1033 പേരാണ് കോവിഡ് രോഗബാധമൂലം മരണപ്പെട്ടത്. ഇതോടെ രാജ്യത്ത് മരിച്ചവരുടെ എണ്ണം 1,14,031ആയി. മഹാരാഷ്ട്ര, തമിഴ്നാട്, കര്‍ണാടക, കേരള എന്നിവിടങ്ങളില്‍ രോഗബാധിരുടെ എണ്ണത്തില്‍ വന്‍ വര്‍ദ്ധനയാണ്.
മഹാരാഷ്ട്രയില്‍ 10,259 പേര്‍ക്കും കേരളത്തില്‍ 9,016 പേര്‍ക്കും കര്‍ണാടകയില്‍ 7,184 പേര്‍ക്കും തമിഴ്നാട്ടില്‍ 4,295 പേര്‍ക്കുമാണ് ഇന്നലെ കോവിഡ് പോസിറ്റീവായത്.
