കോവിഡ് ബാധിച്ച് ചികിത്സയിലിരുന്ന 28 പേര് കൂടി ഒമാനില് മരിച്ചു. കഴിഞ്ഞ വെള്ളിയാഴ്ച മുതലുള്ള മരണസംഖ്യയാണിത്. ഇതോടെ മൊത്തം മരണസംഖ്യ 637 ആയി. ഇത്രയും ദിവസങ്ങളിലായി 740 പേര്ക്കാണ് പുതുതായി രോഗം സ്ഥിരീകരിച്ചത്. ഇതോടെ മൊത്തം രോഗികളുടെ എണ്ണം 84509 ആയി. 526 പേര്ക്ക് കൂടി രോഗം ഭേദമായി. 78912 പേരാണ് ഇതുവരെ രോഗമുക്തരായത്. 37 പേരെ കൂടി ആശുപത്രിയില് പ്രവേശിപ്പിച്ചു. 406 പേരാണ് ആശുപത്രികളില് ചികില്സയിലുള്ളത്. 149 പേര് തീവ്ര പരിചരണ വിഭാഗത്തിലാണ്. മസ്കത്തിലാണ് കൂടുതല് രോഗികള്.
ഇവിടെ 237 പേര്ക്കാണ് വൈറസ് ബാധ സ്ഥിരീകരിച്ചത്. സീബ്-61, മസ്കത്ത്-55, ബോഷര്- 47, മത്ര-42, അമിറാത്ത്-21, ഖുറിയാത്ത്-11 എന്നിങ്ങനെയാണ് വിലായത്ത് തലത്തിലെ പുതിയ രോഗികളുടെ എണ്ണം. വടക്കന് ബാത്തിന ഗവര്ണറേറ്റിലെ 185 പുതിയ രോഗികളില് 136ഉം സുഹാറിലാണ്. സുവൈഖില് 17ഉം സഹമില് 14ഉം ലിവയില് ഒമ്ബതും ഷിനാസില് ഏഴും പുതിയ രോഗികളുണ്ട്.
തെക്കന് ബാത്തിനയും തെക്കന് ശര്ഖിയയുമാണ് അടുത്ത സ്ഥാനങ്ങളില്. യഥാക്രമം 77ഉം 65ഉം പുതിയ രോഗികളാണ് ഇവിടെയുള്ളത്. തെക്കന് ബാത്തിനയിലെ 77ല് 55 പേരും ബര്ക്കയിലാണ്. തെക്കന് ശര്ഖിയയില് സൂറിലാണ് ഏറ്റവും കൂടുതല് രോഗികള്.
49 പേരാണ് ഇവിടെ പുതുതായി വൈറസ് ബാധിതരായത്. ദാഖിലിയ ഗവര്ണറേറ്റിലെ 65 പുതിയ രോഗികളില് 41ഉം നിസ്വയിലാണ്. ദോഫാര് ഗവര്ണറേറ്റിലെ 52 കോവിഡ് ബാധിതരില് 49ഉം സലാലയിലാണ്. വടക്കന് ശര്ഖിയ-23, അല് വുസ്ത-20, ദാഹിറ-10, ബുറൈമി -അഞ്ച്, മുസന്ദം-ഒന്ന് എന്നിങ്ങനെയാണ് മറ്റ് ഗവര്ണറേറ്റുകളിലെ പുതിയ രോഗികളുടെ എണ്ണം.