മസ്കത്തിൽ പുതിയ കോവിഡ് പരിശോധനാ കേന്ദ്രം തുറന്നു. സീബ് വിലായത്തിലെ മബേല വ്യവസായ മേഖലയിലാണ് ഇത്. സൗത്ത് മബേലയിൽ വേ നമ്പർ 7749ൽ പൈതൃക^സാംസ്കാരിക മന്ത്രാലയം പരിസരത്തുള്ള ക്ലിനിക്ക് വെള്ളിയാഴ്ച ഒഴിച്ചുള്ള ദിവസങ്ങളിൽ രാവിലെ ഒമ്പത് മുതൽ ഉച്ചക്ക് ഒരു മണി വരെ പ്രവർത്തിക്കും.
കോവിഡ് രോഗ ലക്ഷണങ്ങൾ ഉള്ളവർക്ക് ഇവിടെയെത്തി പരിശോധനയും ആവശ്യമെങ്കിൽ കോവിഡ് രോഗ നിർണയം നടത്തുകയും ചെയ്യാമെന്ന് ആരോഗ്യ വകുപ്പ് അറിയിച്ചു. മസ്കത്ത് ഗവർണറേറ്റിലെ അഞ്ചാമത്തെ പരിശോധനാ ക്ലിനിക്ക് ആണ് ഇത്.
