കഴിഞ്ഞ 24 മണിക്കൂറിനുള്ളിൽ 60,000ൽ അധികം പുതിയ കൊറോണ വൈറസ് കേസുകൾ കൂടി യുഎസ് രേഖപ്പെടുത്തി. ആകെ മരണസംഖ്യ 135,171 ആയി. കൊറോണ വൈറസ് പാൻഡെമിക് ബാധിച്ച രാജ്യമായ അമേരിക്കയിൽ സമീപ ആഴ്ചകളിൽ കേസുകളുടെ എണ്ണം കൂടുന്നതായി ജോൺസ് ഹോപ്കിൻസ് സർവകലാശാലയിൽ നിന്നുള്ള കണക്കുകൾ വ്യക്തമാക്കുന്നു. ശനിയാഴ്ച 66,528 എന്ന റെക്കോർഡാണ് നിലവിൽ കൂടുതൽ രേഖപ്പെടുത്തിയത്. രാജ്യത്ത് ഇപ്പോൾ 3,301,820 അണുബാധകൾ റിപ്പോർട്ട് ചെയ്യപ്പെട്ടിട്ടുണ്ടെന്ന് ബാൾട്ടിമോർ ആസ്ഥാനമായുള്ള സർവകലാശാല ഏറ്റവും പുതിയ ഡാറ്റയിൽ പറയുന്നു. മരണസംഖ്യ 135,171 ആയി. അതേസമയം കോവിഡ് -19 അണുബാധകൾക്ക് ഇടയിലും സ്കൂളുകൾ വീണ്ടും തുറക്കണമെന്ന് പ്രസിഡന്റ് ഡൊണാൾഡ് ട്രംപ് ഞായറാഴ്ച വീണ്ടും ആവശ്യപ്പെട്ടു.
