കോവിഡ് വ്യാപനം മൂലം നിയന്ത്രണം തുടരുന്നതിനിടെ ദുബൈ പൊലീസ് നടത്തിയത് 9,326 വെർച്വൽ മീറ്റിങ്ങുകൾ. 3,118 മണിക്കൂർ പിന്നിട്ട ദേശീയ അണുനശീകരണ യജ്ഞത്തിനിടെയാണിതെന്ന് പൊലീസ് ഉന്നത ഉദ്യോഗസ്ഥൻ പറഞ്ഞു.
മാർച്ച് അവസാനം മുതൽ ജൂൺ ഒന്നു വരെ വെർച്വൽ മീറ്റിങ്ങുകൾ നടന്നതായി ദുബൈ പൊലീസിലെ ആർട്ടിഫിഷ്യൽ ഇൻറലിജൻസ് (എ.ഐ) ഡയറക്ടർ ബ്രിഗേഡിയർ ഖാലിദ് നാസർ അൽ റസൂഖി പറഞ്ഞു.
ജീവനക്കാർ തങ്ങളുടെ ഫീൽഡ് മിഷനുകളുടെ വിശദാംശങ്ങൾ ചർച്ച ചെയ്യുകയും വിദൂരമായി ലഭിക്കുന്ന നിർദേശങ്ങൾക്ക് അനുസൃതമായി ചുമതലകൾ പൂർത്തിയാക്കുകയും ചെയ്തു.