പ്രീ പ്രൈമറി മുതല് എട്ടാം ക്ലാസുവരെയുള്ള ഉച്ചഭക്ഷണ പദ്ധതിയില് ഉള്പ്പെട്ട കുട്ടികള്ക്ക് പൊതുവിദ്യാഭ്യാസ വകുപ്പിന്റെ ഭക്ഷ്യകിറ്റ് നല്കും. മദ്ധ്യവേനല് അവധിക്കാലത്തേക്കുള്ള ഫുഡ് സെക്യൂരിറ്റി അലവന്സായാണ് അരിയും പലവ്യഞ്ജനങ്ങളുമടങ്ങിയ ഭക്ഷ്യകിറ്റ് വിതരണം ചെയ്യുന്നത്. ഇത് സംബന്ധിച്ച് പൊതുവിദ്യാഭ്യാസ ഡയറക്ടര് സമര്പ്പിച്ച വിശദമായ പ്രൊപ്പോസലിന് സര്ക്കാര് അനുമതി നല്കിയതായി വിദ്യാഭ്യാസ മന്ത്രി അറിയിച്ചു. സര്ക്കാര്, എയ്ഡഡ് വിദ്യാലയങ്ങളിലെ 26,26,763 കുട്ടികള്ക്കാണ് പദ്ധതിയുടെ പ്രയോജനം ലഭിക്കുക.