G -7 വിപുലീകരിച്ച്‌ ഇന്ത്യ, റഷ്യ, ഓസ്ട്രേലിയ, ദക്ഷിണ കൊറിയ എന്നീ രാജ്യങ്ങളെയും ഉള്‍പ്പെടുത്തി G -11 ആക്കാനുള്ള അമേരിക്കന്‍ പ്രസിഡന്‍റ് ഡൊണാള്‍ഡ് ട്രംപിന്‍റെ നീക്കത്തിനെതിരെ എതിര്‍പ്പുമായി ചൈന രംഗത്ത്.
ചൈനയെ ഇതില്‍ ഉള്‍പ്പെടുത്തില്ലെന്നും അമേരിക്ക സൂചിപ്പിച്ചതായാണ് റിപ്പോര്‍ട്ട്. എന്നാല്‍ ചൈനയ്ക്കെതിരെ ഗ്രൂപ്പ് ഉണ്ടാക്കാനുള്ള ഏതൊരു ശ്രമവും പരാജയപ്പെടുമെന്നാണ് ചൈനീസ് വിദേശ കാര്യമന്ത്രാലയം നടത്തിയ പ്രതികരണം.
ഇന്ത്യയുമായി അതിർത്തി തർക്കവും മറ്റും നിലനിൽക്കുന്നതിനാൽ ഇന്ത്യ ഈ കൂട്ടായ്മയിൽ അംഗമാവുന്നതിനോടും ചൈന അതൃപ്തി പ്രകടിപ്പിച്ചു.ഇന്ത്യന്‍ പ്രധാനമന്ത്രി നരേന്ദ്രമോദിയും അമേരിക്കന്‍ പ്രസിഡന്‍റ് ഡൊണാള്‍ഡ് ട്രംപു൦ തമ്മില്‍ ഇതു സംബന്ധിച്ച് കഴിഞ്ഞ ദിവസം നിര്‍ണ്ണായക ചര്‍ച്ചയും നടന്നിരുന്നു.
