ന്യൂനമർദത്തിന്റെ ഫലമായി ശനിയാഴ്ച മുതൽ ഒമാനിൽ മഴക്ക് സാധ്യതയുണ്ടെന്ന് സിവിൽ ഏവിയേഷൻ പൊതുഅതോറിറ്റി അറിയിച്ചു. മുസന്ദം, ബുറൈമി, ബാത്തിന, ദാഹിറ, മസ്കത്ത്, ദാഖിലിയ, ശർഖിയ മേഖലകളിൽ വിവിധ അളവുകളിൽ മഴക്ക് സാധ്യതയുണ്ടെന്ന് അധികൃതർ അറിയിച്ചു. ചിലയിടങ്ങളിൽ ഇടിയോടെയുള്ള ശക്തമായ മഴക്കും കാറ്റിനും സാധ്യതയുണ്ട്. ദോഫാറിന്റെ തീരപ്രദേശങ്ങളിലും പർവത പ്രദേശങ്ങളിലും ഒറ്റപ്പെട്ട മഴയും ഉണ്ടാകാനിടയുണ്ട്.