ഇന്ത്യ-ചൈന അതിർത്തി സംഘർഷവുമായി ബന്ധപ്പെട്ട വിഷയത്തിൽ പ്രധാനമന്ത്രി നരേന്ദ്ര മോദി രാഷ്ട്രപതി രാംനാഥ് കോവിന്ദുമായി കൂടിക്കാഴ്ച നടത്തി. ഞായറാഴ്ച ഉച്ചയോടെ രാഷ്ട്രപതി ഭവനിൽ വെച്ചായിരുന്നു കൂടിക്കാഴ്ച.
കഴിഞ്ഞ ദിവസം ലഡാക്ക് സന്ദർശിച്ച് സ്ഥിതിഗതികൾ വിലയിരുത്തിയതിന പിന്നാലെയാണ് കൂടിക്കാഴ്ച എന്നതും പ്രാധാന്യമർഹിക്കുന്നു. ദേശീയവും അന്തർദേശീയവുമായ വിഷയങ്ങൾ ചർച്ചയിൽ ഉൾപ്പെട്ടതായി രാഷ്ട്രപതി ഭവൻ വൃത്തങ്ങൾ അറിയിച്ചു.