രാജ്യത്ത് കഴിഞ്ഞ 24 മണിക്കൂറിനിടെ 12,830 പുതിയ കോവിഡ് കേസുകൾ റിപ്പോർട്ട് ചെയ്തു. ഇതോടെ ഇന്ത്യയിലെ ആകെ കോവിഡ് രോഗികളുടെ എണ്ണം 34,273,300 ആയി. ഞായറാഴ്ച കേന്ദ്ര ആരോഗ്യ മന്ത്രാലയം പുറത്തിറക്കിയ കണക്ക് പ്രകാരം നിലവിൽ 1,59,272 രോഗികളാണ് ഉള്ളത്. കഴിഞ്ഞ മാർച്ചിന് ശേഷത്തെ ഏറ്റവും കുറഞ്ഞ കണക്കാണിത്.
നിലവിൽ രാജ്യത്തെ കോവിഡ് രോഗമുക്തി നിരക്ക് 98 .2 ശതമാനമാണ്. രാജ്യത്ത് ഇതുവരെ 106.14 ഡോസ് കോവിഡ് വാക്സിനുകൾ വിതരണം ചെയ്തു. ഇന്നലെ ജി.20 രാജ്യ നേതാക്കളുടെ യോഗത്തിൽ സംസാരിക്കവെ ലോകത്താകമാനമുള്ള ജനങ്ങൾക്കായി ഇന്ത്യ അഞ്ഞൂറ് കോടി ഡോസ് വാക്സിനുകൾ നിർമ്മിക്കുമെന്ന് പ്രധാനമന്ത്രി നരേന്ദ്ര മോദി പറഞ്ഞു.
