യാത്രാവിലക്ക് നീങ്ങുന്നതിന് മുമ്പ് യു.എ.ഇയിലേക്ക് വരാനായി വിവിധ രാജ്യങ്ങളിലെത്തിയവർക്കും നടപടിക്രമങ്ങൾ പാലിച്ചാൽ യാത്ര ചെയ്യാം. ക്വാറൻറീൻ പൂർത്തിയാക്കാതെ തന്നെ യാത്ര ചെയ്യാനുള്ള മാനദണ്ഡങ്ങൾ പാലിച്ചാൽ അനുമതി ലഭിക്കുമെന്ന് എയർ അറേബ്യ അറിയിച്ചു.
ദുബൈ യാത്രക്കാർക്ക് ജി.ഡി.ആർ.എഫ്.എ-മറ്റു എമിറേറ്റുകളിലുള്ളവർ ഐ.സി.എ അനുമതി, 48മണിക്കൂറിനിടയിലെ പി.സി.ആർ പരിശോധന ഫലം, റാപിഡ് ടെസ്റ്റ് ഫലം എന്നിവയാണ് ഇത്തരം യാത്രക്കാർക്ക് ആവശ്യമായി വരിക. ഖത്തർ, അർമീനിയ, ജോർജിയ തുടങ്ങിയ രാജ്യങ്ങളിൽ 14ദിവസത്തെ ക്വാറൻറീൻ പൂർത്തിയാക്കി യാത്ര ചെയ്യാൻ എത്തിയവർക്ക് ഇതോടെ ആശ്വാസമാകും.
