ഇന്ത്യന്‍ പ്രീമിയര്‍ ലീഗിന്റെ (ഐ.പി.എല്‍) ആരവങ്ങളിലേക്ക് വാതില്‍ തുറന്ന് ആദ്യ ടീമുകള്‍ ദുബൈ വിമാനത്താവളത്തില്‍ പറന്നിറങ്ങി. മലയാളി താരം സഞ്ജു സാംസണ്‍ ഉള്‍പ്പെട്ട രാജസ്ഥാന്‍ റോയല്‍സും കിങ്സ് ഇലവന്‍ പഞ്ചാബുമാണ് വ്യാഴാഴ്ച യു.എ.ഇയില്‍ എത്തിയത്. ഇന്നും നാളെയുമായി മറ്റു ടീമുകളും എത്തും.
തുടര്‍ച്ചയായ കോവിഡ് പരിശോധനകള്‍ക്ക് ശേഷമേ താരങ്ങളെ പരിശീലനത്തിനിറങ്ങാന്‍ അനുവദിക്കൂ. ഇന്ത്യയില്‍ നിന്ന് പി.സി.ആര്‍ പരിശോധനക്ക് ശേഷം വിമാനം കയറിയ താരങ്ങളെ ദുബൈയിലും പരിശോധനക്കു വിധേയരാക്കി. ഏഴു ദിവസം ഹോട്ടല്‍ ക്വാറന്‍റീന്‍. മൂന്നാം ദിവസവും ആറാം ദിവസവും വീണ്ടും പരിശോധന നടത്തും. ഇൗ ടെസ്റ്റുകളെല്ലാം നെഗറ്റിവായാല്‍ മാത്രമെ താരങ്ങളെ മൈതാനത്തിറങ്ങാന്‍ അനുവദിക്കൂ. ഇതിന് പുറമെ ഒാരോ അഞ്ചു ദിവസവും പരിശോധനയുണ്ടാവും.
അടുത്തടുത്തുള്ള ഹോട്ടലുകളിലാണ് ടീം തങ്ങുന്നത്. ഇന്നലെയെത്തിയ പഞ്ചാബ് ദുബൈ സോഫിറ്റെല്‍ പാം ഹോട്ടലിലാണ്. ഇന്നെത്തുന്ന വിരാട് കോഹ്ലിയുടെ ബാംഗ്ലൂര്‍ താരങ്ങള്‍ തൊട്ടടുത്തുള്ള പാം ജുമൈറയില്‍ തങ്ങും. ബാംഗ്ലൂരിന് പുറമെ മുംബൈ ഇന്ത്യന്‍സ്, ചെന്നൈ സൂപ്പര്‍ കിങ്സ് എന്നീ ടീമുകളും വെള്ളിയാഴ്ച യു.എ.ഇയില്‍ എത്തും. കൊല്‍ക്കത്ത നൈറ്റ് റൈഡേഴ്സ്, ഡല്‍ഹി കാപിറ്റല്‍സ്, സണ്‍റൈസേഴ്സ് ഹൈദരാബാദ് എന്നീ ടീമുകള്‍ ശനിയാഴ്ചയാണു വരുന്നത്. കൊല്‍ക്കത്ത, മുംബൈ ടീമുകള്‍ അബൂദബിയിലും മറ്റ് ടീമുകള്‍ ദുബൈയിലുമാണ് തങ്ങുന്നത്. കാണികളെ അനുവദിച്ച്‌ ടൂര്‍ണമെന്‍റ് നടത്തണമെന്നാണ് എമിറേറ്റ്സ് ക്രിക്കറ്റ് ബോര്‍ഡിെന്‍റ ആഗ്രഹം. യു.എ.ഇ സര്‍ക്കാറിെന്‍റയും ബി.സി.സി.െഎയുടെയും നിലപാട് ഇക്കാര്യത്തില്‍ നിര്‍ണായകമാണ്.
