കേരളത്തിൻ്റെ കോവിഡ് പ്രതിരോധ പ്രവര്ത്തനങ്ങളെ പ്രകീര്ത്തിച്ച് ക്രിക്കറ്റ് താരം ഇര്ഫാന് പത്താന്. കോവിഡിനെതിരായ േപാരാട്ടത്തില് കേരളം മികച്ച പ്രകടനം കാഴ്ചവെക്കുന്നു. കഴിഞ്ഞ 24 മണിക്കൂറിനുളളില് ഒരാള്ക്ക് മാത്രമാണ് ഇവിടെ കോവിഡ് റിപ്പോര്ട്ട് ചെയ്തത്. കേരളം ശരിയായ രീതിയില് കോവിഡിനെതിരെ എന്തെങ്കിലും ചെയ്തുകൊണ്ടിരിക്കുന്നു. രാജ്യത്ത് ഏറ്റവും കൂടുതല് സാമ്ബിളുകള് പരിശോധിച്ചത് കേരളം മാത്രമാണെന്നും ഇര്ഫാന് പത്താന് ട്വിറ്ററില് കുറിച്ചു.
ട്വീറ്റിന് പ്രതികരണവുമായി നിരവധി പേര് രംഗത്തെത്തി. കേരള മോഡല് പ്രവര്ത്തനങ്ങള് മറ്റു സംസ്ഥാനങ്ങള് ആവിഷ്കരിക്കേണ്ടതിൻ്റെ ആവശ്യകതയായിരുന്നു അതില് മിക്കതും.
കേരള മോഡല് പ്രവര്ത്തനങ്ങള് രാജ്യത്ത് ഇതിനോടകം തന്നെ ചര്ച്ചയായിട്ടുണ്ട്. ആദ്യം ഏറ്റവും കൂടുതല് കോവിഡ് കേസുകള് രജിസ്റ്റര് ചെയ്ത കേരളത്തില് കാര്യക്ഷമമായ പ്രവര്ത്തനങ്ങളുടെ ഫലമായി രോഗവ്യാപനത്തിന്െറ തോത് മറ്റു സംസ്ഥാനങ്ങളെ അപേക്ഷിച്ച് കുത്തനെ കുറക്കാന് കഴിഞ്ഞു. ഇതിനെ പ്രശംസിച്ച് രജ്ദീപ് സര്ദേശായി അടക്കം നിരവധി പേര് രംഗത്തെത്തിയിരുന്നു
Home ENTERTAINMENT കോവിഡ് പ്രതിരോധ പ്രവര്ത്തനങ്ങളിലെ ‘കേരള മോഡലി’നെ പ്രശംസിച്ച് ഇര്ഫാന് പത്താന്