കഴിഞ്ഞ ആറുമാസത്തിനിടെ അശ്രദ്ധമായ ഡ്രൈവിങ് നടത്തിയ 27,000 പേര്‍ക്ക് എമിറേറ്റില്‍ പിഴ ചുമത്തി അബൂദബി പൊലീസ് . ഡ്രൈവിങ്ങിനിടെ ഫോണ്‍ വിളിക്കുക, മെസേജുകള്‍ അയക്കുക തുടങ്ങിയ ക്രമക്കേടുകള്‍ക്കാണ് പ്രധാനമായും പിഴ ചുമത്തപ്പെട്ടത്.
800 ദിര്‍ഹം വീതമാണ് ഇത്തരക്കാരില്‍നിന്ന് ഇടാക്കിയതെന്ന് അബൂദബി പൊലീസ് ട്രാഫിക് ഡയറക്ടറേറ്റ് വ്യക്തമാക്കി . “സ്ഥിതി വിവരക്കണക്കുകളും വിശകലന പഠനങ്ങളും പരിശോധിച്ചപ്പോള്‍ അശ്രദ്ധമായ ഡ്രൈവിങ് ഏറ്റവും കൂടുതല്‍ അപകടങ്ങളുണ്ടാക്കുന്നുണ്ട്. ഇത് ഗുരുതരമായ പരിക്കുകളിലേക്കും ആളുകളുടെ ജീവന്‍ നഷ്ടപ്പെടാനും കാരണമാകുന്നു -പ്രസ്താവനയില്‍ ചൂണ്ടിക്കാട്ടി .
ഡ്രൈവ് ചെയ്യുമ്ബോള്‍ പൂര്‍ണമായ ശ്രദ്ധയോടെ ആയിരിക്കണമെന്നും അല്ലെങ്കില്‍ വാഹനത്തിന്റെ നിയന്ത്രണം നഷ്ടപ്പെട്ട് അപകടമുണ്ടാക്കുമെന്നും ട്രാഫിക് വിഭാഗം മുന്നറിയിപ്പ് നല്‍കുന്നു. പിഴക്ക് പുറമെ നിയമ ലംഘനത്തിന് നാല് ഡ്രൈവിങ് ബ്ലാക്ക് പോയന്‍റും ചുമത്തും.
