വ്യാഴാഴ്ച ഖത്തറിൽ 623 പേർക്കുകൂടി പുതുതായി കോവിഡ്രോഗം സ്ഥിരീകരിച്ചു. 61പേർക്കുകൂടി രോഗം ഭേദമായിട്ടുണ്ട്. ആകെ രോഗം മാറിയവർ 750 ആയി. നിലവിൽ ചികിൽസയിലുള്ളവർ 7004 ആണ്. ആകെ 73457 പേരെ പരിശോധിച്ചപ്പോൾ 7764 പേർക്കാണ് രോബാധ കണ്ടെത്തിയത്. മരിച്ചവരും രോഗം മാറിയവരും ഉൾപ്പെടെയാണിത്.
രാജ്യത്ത് ഇതുവരെ കോവിഡ് ബാധിച്ച് മരിച്ചത് പത്ത് പേരാണ്. ഇതിൽ അവസാനം മരിച്ച പ്രവാസി ഒഴികെ മറ്റുള്ളവർക്ക് മറ്റ് പല അസുഖങ്ങളും ഉണ്ടായിരുന്നുവെന്ന് പൊതുജനാരോഗ്യമന്ത്രാലയം പറയുന്നു.
പുതുതായി രോഗം സ്ഥിരീകരിക്കെപ്പടുന്നതിൽ ഭൂരിഭാഗവും പ്രവാസി തൊഴിലാളികളാണ്. നിലവിൽ രാജ്യത്ത് വൈറസ്ബാധ ഏറ്റവും ഉയർന്ന തോതിലാണെന്നും വരും ദിവസങ്ങളിലും ഈ നില തുടരുമെന്നും മന്ത്രാലയം പറയുന്നു.
