ഓസ്ട്രേലിയയ്ക്കെതിരായ ടെസ്റ്റ് പരന്പരയില് രോഹിത് ശര്മയ്ക്കും ഇഷാന്ത് ശര്മയ്ക്കും ആദ്യ രണ്ടു മത്സരങ്ങള് നഷ്ടമാകും. പരിക്കേറ്റതിനെ തുടര്ന്ന് ദേശീയ ക്രിക്കറ്റ് അക്കാദമിയില് പരിശീലനം തുടരുന്ന താരങ്ങള് ഓസ്ട്രേലിയയില് എത്താന് വൈകുമെന്നും ആദ്യ രണ്ടു ടെസ്റ്റുകള് നഷ്ടമായേക്കുമെന്നുമാണു സൂചന.
ഒരു ദിവസം കുറഞ്ഞത് 20 ഓവറെങ്കിലും എറിയാന് സാധിക്കുന്ന രീതിയിലേക്ക് ഇഷാന്ത് എത്തിയാല് മാത്രമേ മാച്ച് ഫിറ്റ്നസിന്റെ കാര്യത്തില് ബിസിസിഐ പച്ചക്കൊടി കാട്ടൂ. ഐപിഎല് മത്സരത്തിനിടെ പരിക്കേറ്റ രോഹിത് ശര്മയും ഫിറ്റ്നസ് വീണ്ടെടുത്തിട്ടില്ല. ഡിസംബര് രണ്ടാം വാരം മാത്രമായിരിക്കും രോഹിത് ശര്മ ഓസ്ട്രേലിയയിലേക്കു പോകുക. ക്വാറന്ൈറനും പൂര്ത്തിയാക്കിയ ശേഷമാകും രോഹിതും കളിക്കാനിറങ്ങുക.
രോഹിത് ശര്മയ്ക്ക് പകരക്കാരനായി മധ്യനിര താരം ശ്രേയസ് അയ്യരെ ആദ്യ രണ്ട് ടെസ്റ്റുകള്ക്കുള്ള ടീമില് ഉള്പ്പെടുത്തിയേക്കുമെന്നാണ് സൂചന. നവംബര് 27ന് ഏകദിന പരന്പരയോടെയാണ് ഇന്ത്യന് പര്യടനം ആരംഭിക്കുക. മൂന്ന് വീതം ഏകദിന, ടി20 മത്സരങ്ങളും നാല് ടെസ്റ്റ് മത്സരങ്ങളുമാണ് പര്യടനത്തിലുള്ളത്.
സിഡ്നിയിലാണ് 32 അംഗ ഇന്ത്യന് ടീം പരിശീലനം നടത്തുന്നത്. യുഎഇയില്നിന്ന് ഐപിഎല് മത്സരങ്ങള് പൂര്ത്തിയാക്കിയ ശേഷം ടീം അംഗങ്ങള് നേരിട്ട് ഓസ്ട്രേലിയയിലേക്കു പോകുകയായിരുന്നു.