ദുബൈ: യു.എ.ഇ വൈസ് പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിൻ റാഷിദ് ആൽ മക്തൂം പ്രഖ്യാപിച്ച പദ്ധതിയിൽ ഭക്ഷണവിതരണം നടത്താൻ ദുബൈ ടാക്സികളും. ‘ഒരു കോടി ഭക്ഷണപ്പൊതികൾ’ പദ്ധതിയുടെ 30 ടാക്സികൾ ഭക്ഷണ വിതരണത്തിനായി ഓടും. ഇതിനായി ടാക്സികൾ വിട്ടുനൽകുമെന്ന് ദുബൈ ആർ.ടി.എ ഡയറക്ടർ ജനറലും ബോർഡ് ഓഫ് എക്സിക്യൂട്ടിവ് ഡയറക്ടർ ചെയർമാനുമായ മത്വർ അൽ ത്വായിർ പറഞ്ഞു.
ലത്തീഫ ഹോസ്പിറ്റൽ, റാഷിദ് ഹോസ്പിറ്റൽ, ദുബൈ ആംബുലൻസ് സർവിസ് എന്നിവിടങ്ങളിലെ ക്ലീനിങ് സ്റ്റാഫുകൾക്കും സുരക്ഷ ഉദ്യോഗസ്ഥർക്കും റമദാനിലുടനീളം അതോറിറ്റി ഇഫ്താർ നൽകുമെന്നും മത്വർ അൽ ത്വായിർ വ്യക്തമാക്കി.
