സ്കൂളുകളിലെ കോവിഡ് നിയന്ത്രണങ്ങള് സംബന്ധിച്ച് പുതുക്കിയ മാർഗ നിർദേശങ്ങൾ പുറത്തിറക്കി ദുബൈ. വിദ്യാഭ്യാസ മന്ത്രാലയവും ദേശീയ ദുരന്തനിവാരണ അതോറിറ്റിയും ചേർന്നാണ് മാർഗ നിർദേശങ്ങൾ പുറത്തിറക്കിയിരിക്കുന്നത്. വിദ്യാഭ്യാസ സ്ഥാപനങ്ങളിലെ എല്ലാ പ്രവര്ത്തനങ്ങളും പരിപാടികളും പുനരാരംഭിക്കും. രക്ഷിതാക്കൾക്ക് പരിപാടികളിൽ പങ്കെടുക്കാം. എന്നാൽ അടച്ചിട്ട സ്ഥലങ്ങളിൽ മാസ്ക് ധരിക്കണം. കൂടാതെ സ്കൂൾ പഠന യാത്രകൾ സംഘടിപ്പിക്കാനും അനുവാദമുണ്ട്.
പുതുക്കിയ പ്രോട്ടോക്കോള് പ്രകാരം എല്ലാ യൂനിവേഴ്സിറ്റി വിദ്യാര്ഥികളും മാസത്തിലൊരിക്കല് പി.സി.ആര് ടെസ്റ്റ് നടത്തുകയോ ഗ്രീന് പാസ് ഉണ്ടായിരിക്കുകയോ വേണം. കോവിഡ് കേസുകള് റിപ്പോര്ട്ട് ചെയ്യുന്ന വിദ്യാഭ്യാസ സ്ഥാപനങ്ങള് അതത് എമിറേറ്റിലെ നിയമം പാലിച്ച് നിയന്ത്രണങ്ങള് ഏര്പ്പെടുത്തണം.
അതേസമയം പുതിയ പ്രോട്ടോക്കോള് പ്രകാരം കോവിഡ് രോഗിയുമായി സമ്ബര്ക്കം പുലര്ത്തുന്നവര്ക്ക് ഇനിമുതല് ക്വാറന്റീന് ആവശ്യമില്ല. ആവശ്യമുള്ളവർക്ക് ഓൺലൈൻ വഴി പഠനത്തിനും അവസരമുണ്ട്.