ഈ വർഷത്തെ ഈദ് അൽ അദ്ഹായ്ക്ക് മക്കയിലെ ഗ്രാൻഡ് മോസ്ക് അടച്ചിടുമെന്ന് സൗദി പ്രഖ്യാപിച്ചു. ഈ വർഷത്തെ ഹജ്ജ് തീർത്ഥാടനത്തിനുള്ള ഒരുക്കങ്ങൾ അന്തിമമാക്കിയതിനാൽ ആരാധകരുടെ സുരക്ഷയാണ് തങ്ങളുടെ മുൻഗണനയെന്ന് സൗദി അറേബ്യൻ സുരക്ഷാ ഉദ്യോഗസ്ഥർ ഊന്നിപ്പറഞ്ഞു. കൊറോണ വൈറസ് വ്യാപനവുമായി സൗദി അറേബ്യ പോരാടുമ്പോൾ ആയിരത്തോളം തീർഥാടകരെ മാത്രം ഉൾപ്പെടുത്തി ഹജ് 2020 പരിമിതപ്പെടുത്തിയിട്ടുണ്ട്.
ജൂലൈ 29 ന് ഹജ്ജ് ചടങ്ങുകൾ ആരംഭിക്കുമെന്ന് അധികൃതർ അറിയിച്ചു. നിലവിലെ അവസ്ഥയിൽ ആരോഗ്യകാര്യത്തിലാണ് ശ്രദ്ധ പ്രധാനമായും കേന്ദ്രീകരിച്ചിരിക്കുന്നത് എന്നും ശേഷിക്കുന്ന ഘട്ടങ്ങൾ വരും ദിവസങ്ങളിൽ നടപ്പാക്കുമെന്നും കമാൻഡർ മേജർ ജനറൽ മുഹമ്മദ് അൽ അഹ്മദി പറഞ്ഞു. കോവിഡ് -19 കാരണം അറഫ ദിനത്തിലും ഗ്രാൻഡ് മോസ്ക് അടച്ചിടുമെന്ന് അദ്ദേഹം സ്ഥിരീകരിച്ചു. ഗ്രാൻഡ് മോസ്‌കിലെ ഔട്ട്‌ഡോർ അരീനകളിൽ ഉൾപ്പെടെയുള്ള പ്രാർത്ഥനകൾ നിർത്തിവയ്ക്കാനുള്ള തീരുമാനം തുടരും. അറഫാത്ത് ദിനം വ്യാഴാഴ്ച ജൂലൈ 30 നാണെന്നും ജൂലൈ 31 വെള്ളിയാഴ്ചയാണ് ഈദ് അൽ അദ്ഹ എന്നും സൗദി അറേബ്യയിലെ സുപ്രീം കോടതി അറിയിച്ചിരുന്നു.
