യുഎഇ യിൽ കൊറോണ വൈറസിൽ നിന്നും സുഖം പ്രാപിക്കുന്നവരുടെ എണ്ണത്തിൽ വൻ വർദ്ധനവ്. 25,234 പേർക്കാണ് ഇതുവരെ കോവിഡ് -19 ഭേദമായത്. യുഎഇ പാൻഡെമിക്കിൽ നിന്ന് നേരത്തേ സുഖം പ്രാപിക്കാനുള്ള പാതയിലാണെന്ന് ഇത് സൂചിപ്പിക്കുന്നു. കഴിഞ്ഞ മൂന്നാഴ്ചയ്ക്കിടെയാണ് സുഖം പ്രാപിക്കുന്നവരുടെ എണ്ണം ഇരട്ടിയായത്. മെയ് 21 ന് 12,755 ൽ നിന്ന് ഇന്നലെ വ്യാഴാഴ്ചത്തേക്ക് 25,234 ആയി.
ആഗോളതലത്തിൽ 400,000-ത്തിലധികം ആളുകൾ കൊല്ലപ്പെട്ട രോഗത്തിനെതിരായ പോരാട്ടത്തിൽ 1,217 കോവിഡ് മുക്തിയും 479 പുതിയ കേസുകളും വ്യാഴാഴ്ചത്തെ കണക്കുകൾ കാണിക്കുന്നു. രോഗം കണ്ടെത്തൽ, പരിശോധന, ചികിത്സ, തീവ്രമായ അണുനശീകരണം എന്നീ മേഖലയിൽ രാജ്യം സ്വീകരിച്ച നയങ്ങൾ ആവശ്യമുള്ള ഫലങ്ങൾ നൽകുന്നുണ്ട്. നേട്ടങ്ങൾ സുസ്ഥിരമാകുന്നതിന് പൗരന്മാരും താമസക്കാരും കർശനമായ മുൻകരുതലുകൾ പാലിക്കണമെന്ന് ആരോഗ്യ ഉദ്യോഗസ്ഥർ ആവശ്യപ്പെട്ടിട്ടുണ്ട്. ആരോഗ്യ-പ്രതിരോധ മന്ത്രാലയം ഓരോ ദിവസവും 45,000 പരിശോധനകൾ നടത്തുന്നു. എല്ലാ താമസക്കാരെയും ഉൾക്കൊള്ളുന്ന പരിശോധന പദ്ധതിയും രാജ്യം വിപുലീകരിച്ചു. ഇതുവരെ 25 ദശലക്ഷത്തിലധികം ടെസ്റ്റുകൾ നടത്തി.
