കേരളത്തിൽ സമ്പൂർണ്ണ ലോക്ക്ഡൗണ് പ്രഖ്യാപിക്കില്ലെന്ന് സര്ക്കാര്. സമ്പൂർണ്ണ ലോക്ക്ഡൗണ് എന്ന നടപടി അപ്രായോഗികമാണെന്ന് ഇന്ന് ചേര്ന്ന മന്ത്രിസഭാ യോഗം വിലയിരുത്തിയത്. കരം രോഗവ്യാപനം രൂക്ഷമായ പ്രദേശങ്ങളില് കര്ശന നിയന്ത്രണം ഏര്പ്പെടുത്താനും മന്ത്രിസഭാ യോഗം തീരുമാനിച്ചു. ധന ബില് പാസാക്കാന് സമയം നീട്ടാനുള്ള ഓര്ഡിനന്സ് ഇറക്കാനും മന്ത്രിസഭ തീരുമാനിച്ചു.
കോവിഡിന്റെ പശ്ചാത്തലത്തില് നിലവില് ലോക്ക്ഡൗണ് പ്രഖ്യാപിച്ചാല് ദിവസ വേതനക്കാര് ഉള്പ്പെടെ നിരവധി ജനങ്ങള് ബുദ്ധിമുട്ടിലാകുമെന്ന വിദഗ്ധ സമിതിയുടെ നിര്ദേശം പരിഗണിച്ചാണ് മന്ത്രിസഭാ യോഗത്തിന്റെ വിലയിരുത്തല്. കണ്ടെയിന്മെന്റ് സോണുകളില് പോലീസ് സാന്നിധ്യം കൂടുതല് ശക്തമാക്കും. കടകള് തുറക്കുന്നത് സംബന്ധിച്ച കാര്യങ്ങള് അതാതു ജില്ലാ ഭരണകൂടത്തിന് തീരുമാനമെടുക്കാമെന്നും മന്ത്രിസഭാ യോഗം നിര്ദേശിച്ചു.