ജമ്മു-കശ്മീരിലെ കുല്‍ഗാം ജില്ലയില്‍ സൈന്യവും ഭീകരരും തമ്മിൽ നടന്ന ഏറ്റുമുട്ടലില്‍ രണ്ടു തീവ്രവാദികളെ വധിച്ചു. കുല്‍ഗാമിലെ അറാ മേഖലയില്‍ തീവ്രവാദികള്‍ ഒളിച്ചിരിക്കുന്നുവെന്ന സന്ദേശം ലഭിച്ചതിനെ തുടര്‍ന്ന് നടത്തിയ തിരച്ചിലിനിടെ സേനക്കു നേരെ വെടിവെപ്പുണ്ടാവുകയായിരുന്നുവെന്നും പ്രത്യാക്രമണം നടത്തിയപ്പോള്‍ തീവ്രവാദികൾ കൊല്ലപ്പെടുകയായിരുന്നുവെന്നും അധികൃതര്‍ പറഞ്ഞു.ഒരു സുരക്ഷ ഭടന് പരിക്കേറ്റതായും ഇദ്ദേഹത്തെ ആശുപത്രിയില്‍ പ്രവേശിപ്പിച്ചുവെന്നും പൊലീസ് അറിയിച്ചു. ഏറ്റുമുട്ടലിന്റെ കൂടുതല്‍ വിവരങ്ങള്‍ അറിവായിട്ടില്ല. ഇതിനിടെ, രജൗറി ജില്ലയില്‍ ഭീകരകേന്ദ്രങ്ങളില്‍ റെയ്ഡ് നടത്തി വന്‍ ആയുധശേഖരം പിടിച്ചെടുത്തതായി അധികൃതര്‍ അറിയിച്ചു.
