റഫാല് ഫൈറ്റര് ജെറ്റുകള്(Rafale fighter jets) വാങ്ങുന്നതുള്പ്പെടെ സുപ്രധാന കരാറുകളില് യുഎഇയും(UAE) ഫ്രാന്സും( France) ഒപ്പുവെച്ചു. ഇരു രാജ്യങ്ങളും തമ്മിലുള്ള തന്ത്രപ്രധാനമായ പങ്കാളിത്തം ശക്തമാക്കുന്നതിന്റെ ഭാഗമായാണിത്.
ഫ്രാന്സ് പ്രസിഡന്റ് ഇമ്മാനുവല് മാക്രോണിന്റെ യുഎഇ സന്ദര്ശനത്തോട് അനുബന്ധിച്ചായിരുന്നു കരാറുകളില് വെള്ളിയാഴ്ച ഒപ്പിട്ടത്. എക്സ്പോ 2020 ദുബൈ നഗരിയിലെത്തിയ മാക്രോണിനെ അബുദാബി കിരീടാവകാശിയും യുഎഇ സായുധസേന ഉപസര്വ്വ സൈന്യാധിപനുമായ ശൈഖ് മുഹമ്മദ് ബിന് സായിദ് അല് നഹ്യാന് സ്വീകരിച്ചു. 80 റഫാല് ഫൈറ്റര് ജെറ്റ് വിമാനങ്ങള് വാങ്ങാനുള്ള കരാറില് ഇരുരാജ്യങ്ങളും ഒപ്പുവെച്ചതായി ഫ്രഞ്ച് സായുധസേന മന്ത്രി ഫ്ലോറന്സ് പാര്ലി ട്വീറ്റ് ചെയ്തു.