യുഎഇ യിൽ മൂന്നിനും 15നും ഇടയില് പ്രായമുള്ളവര്ക്ക് കോവിഡ് വാക്സിനേഷന് നിര്ബന്ധമില്ലെന്ന് ആരോഗ്യ മന്ത്രാലയം. സ്വയം സന്നദ്ധരായി വരുന്നവര്ക്കാണ് വാക്സിന് ലഭ്യമാക്കുക. 47 കേന്ദ്രങ്ങളിലായാണ് നിലവില് മൂന്നു മുതല് 17 വയസ്സുവരെയുള്ള കുട്ടികള്ക്ക് വാക്സിന് നല്കുന്നത്.
ഷാര്ജയില് 19 കേന്ദ്രങ്ങളിലും ഫുജൈറ 10, റാസല്ഖൈമ 9, അജ്മാന് മൂന്ന്, ഉമ്മുല്ഖുവൈന് മൂന്ന്, ദുബൈ ഒന്ന് എന്നിങ്ങനെ കേന്ദ്രങ്ങള് സജ്ജീകരിച്ചിട്ടുണ്ട്. മൂന്ന് മുതല് 11 വയസ്സുവരെയുള്ളവര്ക്ക് സിനോഫാമും 12 മുതല് മുകളിലുള്ളവര്ക്ക് സിനോഫാമോ ഫൈസറോ ആണ് നല്കുക.യു.എ.ഇ കഴിഞ്ഞ ആഴ്ചയിലാണ് കുട്ടികളില് സിനോഫാം ഉപയോഗത്തിന് അംഗീകാരം നല്കിയത്.