രാജ്യത്ത് വേനൽ കനത്തു തുടങ്ങിയതോടെ തൊഴിലാളികള്‍ക്ക് ഉച്ച വിശ്രമ സമയം അനുവദിച്ച്‌ യു.എ.ഇ ഗവൺമെന്റ് പ്രഖ്യാപനം. ജൂണ്‍ 15 മുതല്‍ സെപ്റ്റംബര്‍ 15 വരെയാണ് ജോലി സമയം പുനഃക്രമീകരിച്ചിരിക്കുന്നത്. ഈ ദിവസങ്ങളില്‍ ഉച്ചക്ക് 12.30 മുതല്‍ മൂന്ന് മണി വരെ തൊഴിലാളികള്‍ക്ക് വിശ്രമം അനുവദിക്കണമെന്ന് മാനുഷിക ശേഷി വകുപ്പ് മന്ത്രി നാസിര്‍ ബിന്‍ താനി അല്‍ ഹംലി അറിയിച്ചു. എന്നാല്‍, എമര്‍ജന്‍സി മേഖലയില്‍ ജോലി ചെയ്യുന്നവരെ ഇതില്‍ നിന്നും ഒഴിവാക്കിയിട്ടുണ്ട്. ഇത്തരം തൊഴിലാളികള്‍ക്ക് ആവശ്യമായ സംരക്ഷണം നല്‍കണകണമെന്ന് മന്ത്രാലയം നിര്‍ദേശിച്ചിട്ടുണ്ട്. നിയമലംഘനം നടത്തുന്ന കമ്പനികൾക്ക് കനത്ത പിഴയും നടപടികളും നേരിടേണ്ടി വരുമെന്നും അധികൃതർ അറിയിച്ചു.
