കോവിഡ് -19 ന്റെ വ്യാപനം തടയുന്നതിനുള്ള രാജ്യത്തിന്റെ ശ്രമങ്ങൾക്ക് ആക്കം കൂട്ടുന്നതിനായി 11 മെട്രിക് ടൺ മെഡിക്കൽ സഹായവുമായുള്ള വിമാനം അസർബൈജാനിലേക്ക് യുഎഇ അയച്ചു. ഏകദേശം 11,000 മെഡിക്കൽ പ്രൊഫഷണലുകൾക്ക് ഇത് സഹായകരമാവും.
യുഎഇ യും അസർബൈജാനും തമ്മിലുള്ള ബന്ധം പല മേഖലകളിലും ഗണ്യമായി പുരോഗമിക്കുകയാണെന്ന് അസർബൈജാനിലെ യുഎഇ അംബാസഡർ മുഹമ്മദ് അഹമ്മദ് ഹമൽ അൽ ഖുബൈസി പറഞ്ഞു. പകർച്ചവ്യാധിക്കെതിരായ പോരാട്ടത്തിൽ ലോകം ഇപ്പോൾ നേരിടുന്നവെല്ലുവിളികളുടെ വെളിച്ചത്തിൽ വിവിധ സാഹചര്യങ്ങളിൽ യുഎഇ നേതൃത്വം സൗഹാർദ്ദ രാജ്യങ്ങളോട് പിന്തുണ നൽകുന്ന സമീപനം സ്വീകരിച്ചതിന്റെ ഭാഗമായാണ് ഇന്ന് വൈദ്യസഹായം എത്തിച്ചത്. ഇന്നുവരെ, 67 രാജ്യങ്ങൾക്ക് 946 മെട്രിക് ടൺ സഹായം നൽകി, ഈ പ്രക്രിയയിൽ 946,000 മെഡിക്കൽ പ്രൊഫഷണലുകളെ പിന്തുണയ്ക്കുകയും ചെയ്തു.