സൈക്കിളുകള്‍ക്കും ഇ-സ്കൂട്ടറുകള്‍ക്കും യുഎഇയില്‍ നിയമങ്ങള്‍ കര്‍ശനമാക്കുന്നു. 14 വയസിന് മുകളിലുള്ളവര്‍ക്ക് മാത്രമേ ഇ-സ്കൂട്ടറുകള്‍ ഉപയോഗിക്കാന്‍ പാടുള്ളൂവെന്ന് ഷാര്‍ജ പൊലീസ് നിര്‍ദേശം നല്‍കി. ദീര്‍ഘദൂര യാത്ര നടത്തുന്ന സൈക്കിളിങ് സംഘങ്ങള്‍ക്ക് അബൂദബി പൊലീസ് മുന്‍കൂര്‍ അനുമതിയും നിര്‍ബന്ധമാക്കി.
കുട്ടികള്‍ ഈ സ്കൂട്ടറുമായി നിരത്തിലിറങ്ങുന്നത് അപകടം സൃഷ്ടിക്കുന്ന സാഹചര്യത്തിലാണ് ഷാര്‍ജ പൊലീസും ചൈല്‍ഡ് സേഫ്റ്റി ഡിപ്പാര്‍ട്ടുമെന്‍റും പുതിയ മാര്‍ഗനിര്‍ദേശങ്ങള്‍ പുറത്തിറക്കിയത്. കുട്ടികള്‍ ഹെല്‍മറ്റ് ഉപയോഗിക്കണം. ഇ-സ്കൂട്ടറിന് മുന്നിലും പിന്നിലും ലൈറ്റ് നിര്‍ബന്ധമാണ്. തിരക്കേറിയ റോഡുകളില്‍ ഇവ ഓടിക്കാന്‍ പാടില്ല. നിയമം ലംഘിക്കുന്ന ഇ-സ്കൂട്ടറുകള്‍ പൊലീസ് പിടിച്ചെടുക്കും.
