പ്രവാസികളെ നാട്ടിലെത്തിക്കാനുള്ള വന്ദേഭാരത് മിഷന്റെ പുതിയ ഷെഡ്യൂൾ പ്രഖ്യാപിച്ചു. ജൂലൈ 15 മുതൽ 31 വരെയുള്ള ഷെഡ്യൂളാണ് പ്രഖ്യാപിച്ചിരിക്കുന്നത്. എന്നാൽ, ടിക്കറ്റ് വിൽപന എന്ന് തുടങ്ങുമെന്ന വിവരം ലഭ്യമായിട്ടില്ല. യുഎഇ യിൽ നിന്ന് ഇന്ത്യയിലേക്ക് 79 വിമാനങ്ങളാണ് ഉൾപെടുത്തിയിരിക്കുന്നത്. ഇതിൽ 38 എണ്ണവും കേരളത്തിലേക്കാണ്. പുതിയ ഷെഡ്യൂളിൽ ഷാർജയിൽ നിന്നും വിമാനം ഉൾപെടുത്തിയിട്ടുണ്ട്. അതേസമയം, അബൂദബിയിൽ നിന്നുള്ള വിമാനങ്ങളൊന്നും പട്ടികയിൽ ഉൾപെടുത്തിയിട്ടില്ല.
ഷാർജയിൽ നിന്ന് 11 വിമാനങ്ങളും ദുബൈയിൽ നിന്ന് 27 വിമാനങ്ങളുമാണ് ഷെഡ്യൂൾ ചെയ്തിരിക്കുന്നത്. കോഴിക്കോട്ടേക്ക് 11, കൊച്ചിയിലേക്ക് 14, തിരുവനന്തപുരത്തേക്ക് 7, കണ്ണൂരിലേക്ക് ആറ് വിമാനങ്ങളാണ് സർവിസ് നടത്തുക.
