സുഹാർ: ലോകത്തിലെ ഏറ്റവും വലിയ വിമാനമായ എമിറേറ്റ്‌സ് എയർബസ് എ380 സുഹാർ വിമാനത്താവളത്തിൽ എത്തി. എമിറേറ്റ്‌സ് അക്കാദമിയിൽ ട്രെയിനി പൈലറ്റുമാർക്കുള്ള പരിശീലന പരിപാടിയുടെ ഭാഗമായാണ് വിമാനം കഴിഞ്ഞ ദിവസം സുഹാറിന് ലഭിച്ചത്. ഒമാൻ എയർപോർട്ടുമായുള്ള കരാറിന്റെ ഭാഗമായായിരുന്നു ലാൻഡിങ്. സുഹാർ വിമാനത്താവളത്തെ പ്രാദേശികമായി പ്രോത്സാഹിപ്പിക്കുന്നതിനുള്ള ഒമാൻ എയർപോർട്ടിന്റെ ശ്രമങ്ങൾക്കിടെയാണ് ലോകത്തിലെ ഏറ്റവും വലിയ വിമാനം ഇവിടെ പറന്നിറങ്ങിയത്.
