വിവിധ ടീമുകൾക്ക് ഇന്നും നാളെയും സന്നാഹ മത്സരങ്ങൾ
ദോഹ: ഏഷ്യൻ കപ്പ് ഒരുക്കങ്ങളുടെ ഭാഗമായി ഖത്തറിൽ ആദ്യ മത്സരത്തിൽ ബൂട്ടുകെട്ടിയ സൗദി അറേബ്യക്ക് ലെബനാനെതിരെ ഒരു ഗോൾ ജയം. കഴിഞ്ഞ ദിവസം നടന്ന മത്സരത്തിൽ കളിയുടെ രണ്ടാം പകുതിയൽ ഫിറാസ് അൽ ബുറൈഖാൻ നേടിയ ഗോളിൽ നിന്നായിരുന്നു സൗദി ലെബനാനെതിരെ വിജയം സ്വന്തമാക്കിയത്.
ഏഷ്യൻ കപ്പിനുള്ള സൗദി സംഘം കഴിഞ്ഞ ഞായറാഴ്ചയാണ് ദോഹയിലെത്തിയത്. സീ ലൈൻ ബീച്ച് റിസോർട്ടിൽ താമസവും, സീലൈൻ സ്റ്റേഡിയത്തിൽ പരിശീലനവും തുടരുന്നതിനിടെയാണ് തയ്യാറെടുപ്പുകളുടെ ഭാഗമായി ആദ്യ സന്നാഹത്തിനായി ടീം ഇറങ്ങിയത്. ടൂർണമെന്റിന് മുമ്പായി ചൊവ്വാഴ്ച ഫലസ്തീനെയും, ബുധനാഴ്ച ഹോങ്കോങ്ങിനെയും ഖത്തർ നേരിടും.
ഏഷ്യൻ കപ്പിനുള്ള ആസ്ട്രേലിയ ശനിയാഴ്ച ബഹ്റൈനെതിരെ സന്നാഹ മത്സരത്തിൽ ബൂട്ടുകെട്ടും. അബുദബിയിലാണ് മത്സരം. യു.എ.ഇ ഒമാനെയും, ദക്ഷിണ കൊറിയ ഇറാഖിനെയും വിവിധ വേദികളിൽ നേരിടും. ഉസ്ബെകിസ്താൻ ദോഹയിൽ ഫലസ്തിനെയിരെ ഞായറാഴ്ചയും കളിക്കും.