ഒമാനിൽ 1117 പേർക്ക് കൂടി കോവിഡ് സ്ഥിരീകരിച്ചു. പുതിയ രോഗികളിൽ 647 പേർ പ്രവാസികളാണ്. ഇതോടെ രാജ്യത്തെ മൊത്തം കോവിഡ് രോഗ ബാധിതരുടെ എണ്ണം 21071ആയി. 866 പേർക്ക് കൂടി രോഗം ഭേദമായി. ഇതോടെ അസുഖം സുഖപ്പെട്ടവരുടെ എണ്ണം 7489 ആയി. ഏഴുപേർ കൂടി മരണപ്പെട്ടതോടെ മരണം 96 ആയി. 13486 പേരാണ് നിലവിൽ അസുഖബാധിതരായിട്ടുള്ളത്.
24 മണിക്കൂറിനുള്ളിൽ 3502 പേർക്കാണ് ആകെ രോഗ പരിശോധന നടത്തിയത്. 44 പേരെ കൂടി പ്രവേശിപ്പിച്ചതോടെ ആശുപത്രിയിൽ ചികിത്സയിലുള്ളവരുടെ എണ്ണം 309 ആയി. ഇതിൽ 92 പേർ തീവ്ര പരിചരണ വിഭാഗത്തിലാണുള്ളത്. പുതിയ രോഗികളിൽ 729 പേരും മസ്കത്ത് ഗവർണറേറ്റിൽ നിന്നുള്ളവരാണ്. ഇതോടെ മസ്കത്ത് ഗവർണറേറ്റിലെ കോവിഡ് ബാധിതരുടെ എണ്ണം 15666 ആയി. 4986 പേർക്കാണ് ഇവിടെ അസുഖം ഭേദമായത്. മരണപ്പെട്ടതിൽ 76 പേരും മസ്കത്തിൽ ചികിത്സയിലിരുന്നവരാണ്.