രാജ്യത്ത് പ്രതിദിന കോവിഡ് കേസുകളുടെ എണ്ണത്തില്‍ വീണ്ടും കുറവ് രേഖപ്പെടുത്തി.കഴിഞ്ഞ 24 മണിക്കൂറിനിടയില്‍ രാജ്യത്ത് പുതുതായി റിപ്പോര്‍ട്ട് ചെയ്തത് 1,52,734 കേസുകളാണ്. ഇതോടെ രാജ്യത്ത് ഇതുവരെ കോവിഡ് സ്ഥിരീകരിച്ചവരുടെ എണ്ണം 2,80,47,534 ആയി ഉയര്‍ന്നു. 3,128 പേര്‍ കോവിഡ് ബാധിച്ച്‌ മരിക്കുകയും 2,38,022 പേര്‍ രോഗമുക്തി നേടുകയും ചെയ്തു.
ഇതുവരെ 3,29,100 പേരാണ് കോവിഡ് ബാധിതരായി മരിച്ചത്. ആകെ 2,56,92,342 പേര്‍ രോഗമുക്തി നേടി. നിലവില്‍ 20,26,092 പേരാണ് ചികിത്സയിലുള്ളത്.ഇതുവരെ 21,31,54,129 പേര്‍ വാക്സിന്‍ സ്വീകരിച്ചതായും ആരോഗ്യമന്ത്രാലയം വ്യക്തമാക്കി.
