രാജ്യത്ത് കോവിഡ് കേസുകള്‍ കുറഞ്ഞ് വരുന്നു. കഴിഞ്ഞ 24 മണിക്കൂറിനിടെ 15,981 പേര്‍ക്ക് കോവിഡ് പോസിറ്റിവ് സ്ഥിരീകരിച്ചു. കഴിഞ്ഞ ദിവസത്തെ അപേക്ഷിച്ച്‌ 5.7% കുറവാണ് ഇന്ന് റിപ്പോര്‍ട്ട് ചെയ്‌തിരിക്കുന്നത്‌ .ആകെ രോഗമുക്തി നിരക്ക് 98.08 ആയി.
ഇതോടെ രാജ്യത്ത് കോവിഡ് രോഗം സ്ഥിരീകരിച്ചവരുടെ എണ്ണം 3,40,53,573 ആയി ഉയര്‍ന്നു. 24 മണിക്കൂറിനിടെ 17,861 പേര്‍ കോവിഡ് മുക്തരായപ്പോള്‍ 166 പേര്‍ മരണത്തിന് കീഴടങ്ങുകയും ചെയ്‌തു .ഇതോടെ രാജ്യത്ത് കോവിഡ് മരണ സംഖ്യ 4,51,980 ആയി ഉയര്‍ന്നു.
നിലവില്‍ 2,01,632 പേരാണ് വിവിധ സംസ്ഥാനങ്ങളിലായി ചികിത്സയില്‍ കഴിയുന്നത്. രാജ്യത്ത് ഇതുവരെ 3,33,99,961 പേരാണ് കോവിഡ് മുക്തരായത് . രാജ്യത്ത് 8,36,118 പേര്‍ക്കാണ് കഴിഞ്ഞ 24 മണിക്കൂറിനിടെ വാക്സിന്‍ നല്‍കിയത്. ഇതുവരെ രാജ്യമൊട്ടാകെ 97,23,77,045 (97 . 23 കോടി ) ഡോസ് വാക്സിന്‍ വിതരണം ചെയ്‌തു.
