സൗദി അറേബ്യയിലെ നാടുകടത്തല് കേന്ദ്രങ്ങളില് നിന്ന് 231 ഇന്ത്യക്കാര് കൂടി നാട്ടിലേക്ക് മടങ്ങിയെന്ന് ഇന്ത്യന് എംബസി അറിയിച്ചു. കോവിഡ് പ്രതിസന്ധിയുണ്ടായ ശേഷം രണ്ടാമത്തെ സംഘമാണ് റിയാദില് നിന്ന് പുറപ്പെട്ട സൗദി എയര്ലൈന്സ് വിമാനത്തില് ചെന്നൈയിലേക്ക് പോയത്.
ഇതില് 65ഓളം മലയാളികളുണ്ട്. ബാക്കിയുള്ളവര് വിവിധ സംസ്ഥാനക്കാരാണ്. സൗദി സര്ക്കാരാണ് ഇവരുടെ വിമാന യാത്രാ ചെലവ് വഹിക്കുന്നത്. ചെന്നൈയിലെത്തുന്ന ഇവര് അവിടെ ക്വാറന്റീന് കാലാവധി പൂര്ത്തിയാക്കിയ ശേഷം സ്വന്തം നാടുകളിലേക്ക് തിരിക്കും. അടുത്ത വിമാനം ശനിയാഴ്ച ജിദ്ദയില് നിന്ന് കൊച്ചിയിലേക്ക് പുറപ്പെടും.