സൗദിയിൽ കോവിഡ് ബാധിച്ച് ചൊവ്വാഴ്ച 24 പേർ മരിച്ചു. ആകെ മരണസംഖ്യ 549 ആയി ഉയർന്നു. മക്ക (6), ജിദ്ദ (9), റിയാദ് (6), മദീന (1), ദമ്മാം (1), ഖുൻഫുദ (1) എന്നിവിടങ്ങളിലാണ് മരണം.
1,484 പേർ കൂടി സുഖം പ്രാപിച്ചതോടെ ആകെ രോഗമുക്തരുടെ എണ്ണം 65790 ആയി. പുതുതായി 1869 പേർക്ക് കോവിഡ് സ്ഥിരീകരിച്ചു. ഇതോടെ കോവിഡ് ബാധിതരുടെ എണ്ണം 89,011 ആയി.
രാജ്യത്തെ വിവിധ ആശുപത്രികളിലായി 22672 ആളുകൾ ചികിത്സയിലുണ്ട്. 24 മണിക്കൂറിനിടെ 15364 േകാവിഡ് പരിശോധനകളാണ് നടന്നത്. ഇേതാടെ രാജ്യത്ത് ഇതുവരെ നടന്ന പരിശോധനകളുടെ എണ്ണം 853987 ആയി.
ചൊവ്വാഴ്ച ആറ് പേർ മരിച്ച മക്കയിൽ ആകെ മരണസംഖ്യ 230 ഉം ഒമ്പത് പേർ മരിച്ച ജിദ്ദയിൽ 174 ഉം ആയി. കോവിഡ് വ്യാപനം സംഭവിച്ച രാജ്യത്തെ ചെറുതും വലുതുമായ പട്ടണങ്ങളുടെ എണ്ണം 171 ആണ്.