സൗദിയിൽ ഒരു ഇടവേളക്ക് ശേഷം കോവിഡ് രോഗികളുടെ എണ്ണം ഉയർന്നു. 24 മണിക്കൂറിനുള്ളിൽ 3121 പേർക്കാണ് പുതുതായി രോഗം സ്ഥിരീകരിച്ചത്. ഇതോടെ ആകെ രോഗികളുടെ എണ്ണം 98,869 ആയി. ശനിയാഴ്ച 34 മരണമാണ് റിപ്പോർട്ട് ചെയ്തത്. ഇതോടെ കോവിഡ് ബാധിച്ചുള്ള ആകെ മരണം 676 ആയി. പുതുതായി രോഗമുക്തി നേടിയവർ 1175 പേർ മാത്രമാണ്. ഇതോടെ ആകെ രോഗമുക്തരുടെ എണ്ണം 71791 ആയി.
ചികിത്സയിൽ കഴിയുന്നവരുടെ എണ്ണം 26,402 ആയി ഉയർന്നു. ഇതിൽ 1484 പേർ ഗുരുതരാവസ്ഥയിലാണ്. ബാക്കിയുള്ളവരുടെ ആരോഗ്യനില തൃപ്തികരമാണ്. മക്ക (8), ജിദ്ദ (17), ദമ്മാം (5), ഖത്വീഫ് (1), യാംബു (1), ജീസാൻ (2) എന്നിവിടങ്ങളിലാണ് ശനിയാഴ്ച മരണം റിപ്പോർട്ട് ചെയ്തത്. 24 മണിക്കൂറിനിടെ 24229 േകാവിഡ് പരിശോധനകൾ നടത്തി. ഇേതാടെ രാജ്യത്ത് ഇതുവരെ നടന്ന പരിശോധനകളുടെ എണ്ണം 933,201 ആയി.