കുവൈത്തിൽ ചൊവ്വാഴ്ച പുതിയ കോവിഡ് ബാധിതരേക്കാൾ അധികം രോഗമുക്തർ. 200 ഇന്ത്യക്കാർ ഉൾപ്പെടെ 608 പേർ രോഗികളായപ്പോൾ 685 പേർ രോഗമുക്തി നേടി. ഇതുവരെ രോഗമുക്തി നേടിയത് 7306 പേരാണ്.
ഇതുവരെ രാജ്യത്ത് 22,575 പേർക്ക് കോവിഡ് ബാധിച്ചു. 15,097 പേരാണ് ചികിത്സയിലുള്ളത്. 196 പേർ ഗുരുതരാവസ്ഥയിലാണ്. ഏഴുപേർ കൂടി മരിച്ചതോടെ രാജ്യത്തെ കോവിഡ് മരണം 172 ആയി. ഫർവാനിയ ഗവർണറേറ്റിൽ 180 പേർ, അഹ്മദി ഗവർണറേറ്റിൽ 175 പേർ, ഹവല്ലി ഗവർണറേറ്റിൽ 114 പേർ, കാപിറ്റൽ ഗവർണറേറ്റിൽ 78 പേർ, ജഹ്റ ഗവർണറേറ്റിൽ 61 പേർ എന്നിങ്ങനെയാണ് പുതിയ കേസുകൾ.