കുവൈറ്റില് ബുധനാഴ്ച 703 പേര്ക്ക് കൂടി കോവിഡ് സ്ഥിരീകരിച്ചു. രാജ്യത്ത് ഇതുവരെ 56,877 പേര്ക്കാണ് രോഗം ബാധിച്ചത്. ഇന്ന് രോഗം സ്ഥിരീകരിച്ചവരില് 434 പേര് കുവൈറ്റ് സ്വദേശികളും 269 പേര് വിദേശികളുമാണെന്ന് ആരോഗ്യമന്ത്രാലയം അറിയിച്ചു.
ചികിത്സയിലായിരുന്ന മൂന്നു പേര് കൂടി മരിച്ചതോടെ രാജ്യത്തെ കോവിഡ് മരണം 399 ആയി. ഇന്ന് 736 പേരാണു രോഗ മുക്തി നേടിയത്. രോഗം ബാധിച്ച 146 പേര് തീവ്രപരിചരണ വിഭാഗത്തില് കഴിയുന്നുണ്ടെന്നും ആരോഗ്യ മന്ത്രാലയം വാര്ത്താ സമ്മേളനത്തില് അറിയിച്ചു.