റസിഡന്‍റ് വിസയുള്ളവര്‍ക്ക് ഒമാനിലേക്ക് തിരികെ വരാന്‍ അനുമതി. ഒമാന്‍ വിദേശകാര്യ മന്ത്രാലയത്തിലാണ് അനുമതി നല്‍കേണ്ടത്. തൊഴില്‍ വിസയിലുള്ളവര്‍ക്ക് പുറമെ ഫാമിലി ജോയിനിങ് വിസയിലുള്ളവര്‍ക്കും തിരികെ വരുന്നതിനുള്ള അനുമതിക്ക് അപേക്ഷിക്കാവുന്നതാണ്.
തിരികെ വരേണ്ടവരുടെ വിസ ഏത് കമ്ബനിക്ക് കീഴിലാണോ ആ കമ്ബനിയുടെ ലെറ്റര്‍ഹെഡിലാണ് അപേക്ഷ നല്‍കേണ്ടത്. പാസ്പോര്‍ട്ട്, വിസ,റസിഡന്‍റ് കാര്‍ഡ് കോപ്പികള്‍ എന്നിവ ഇമെയിലില്‍ അറ്റാച്ച്‌ ചെയ്യണം. ഇതോടൊപ്പം നാട്ടില്‍ നിന്ന് അടിയന്തിരമായി തിരികെ കൊണ്ടുവരേണ്ട സാഹചര്യവും ഇമെയിലില്‍ വിശദമാക്കണം. [email protected] എന്ന ഇമെയില്‍ വിലാസത്തിലാണ് അപേക്ഷ അയക്കേണ്ടത്. ഓരോ കേസും പ്രത്യേകം പരിഗണിച്ചാണ് വിദേശകാര്യ മന്ത്രാലയം അനുമതി നല്‍കുക.
