ഇന്ന് കുവൈത്തിൽ 184 ഇന്ത്യക്കാർ ഉൾപ്പെടെ 885 പേർക്ക് കൂടി കോവിഡ് സ്ഥിരീകരിച്ചു. എട്ടുപേർ കൂടി മരിച്ചതോടെ രാജ്യത്തെ കോവിഡ് മരണം 96 ആയി. ഇതുവരെ 12860 പേർക്കാണ് കോവിഡ് സ്ഥിരീകരിച്ചത്.
വ്യാഴാഴ്ച 189 പേർ ഉൾപ്പെടെ 3640 പേർ രോഗമുക്തി നേടി. ബാക്കി 9124 പേരാണ് ചികിത്സയിലുള്ളത്. ഇതിൽ 190 പേർ തീവ്രപരിചരണ വിഭാഗത്തിലാണ്. 2,36,004 പേർ നിരീക്ഷണത്തിൽ കഴിയുന്നു.
ഫർവാനിയ ഗവർണറേറ്റിൽ 265, ജഹ്റ ഗവർണറേറ്റിൽ 97, അഹ്മദി ഗവർണറേറ്റിൽ 197, ഹവല്ലി ഗവർണറേറ്റിൽ 251, കാപിറ്റൽ ഗവർണറേറ്റിൽ 75 എന്നിങ്ങനെയാണ് പുതിയ കേസുകൾ.