സൗദിയില്‍ 898 പേര്‍ക്ക് കൂടി കോവിഡ് സ്ഥിരീകരിച്ചു .718 പേര്‍ സുഖം പ്രാപിക്കുകയും ചെയ്തു. എന്നാല്‍ ഗുരുതരാവസ്ഥയിലുള്ള രോഗികളുടെ എണ്ണത്തിലും മരണനിരക്കിലും വലിയ കുറവുണ്ടായിട്ടില്ല.
24 മണിക്കൂറിനിടെ 32 പേര്‍ രാജ്യത്തിന്റെ വിവിധ ഭാഗങ്ങളിലായി മരണത്തിന് കീഴടങ്ങി. രാജ്യത്ത് ആകെ കോവിഡ് രോഗികളുടെ എണ്ണം 3,16,670 ഉം രോഗമുക്തി നേടിയവരുടെ എണ്ണം 2,91,514 ഉം ആണ്. ഇതുവരെ രോഗം ബാധിച്ച്‌ മരിച്ചവരുടെ എണ്ണം 3929 ആയി ഉയര്‍ന്നിട്ടുണ്ട്.നിലവില്‍ വിവിധ ആശുപത്രികളിലും മറ്റുമായി ചികിത്സയിലുള്ളവരുടെ എണ്ണം 21,227 ആണ്. ഇവരില്‍ 1519 പേരുടെ നില ഗുരുതരമാണെന്നാണ് ആരോഗ്യ മന്ത്രാലയം അറിയിക്കുന്നത്.
