ശനിയാഴ്ച ഒമാനിൽ 919 പേർക്ക് കോവിഡ് സ്ഥിരീകരിച്ചു. ഇതോടെ രാജ്യത്തെ മൊത്തം കോവിഡ് രോഗ ബാധിതർ 36953 ആയി. 2508 പേർക്കാണ് രോഗപരിശോധന നടത്തിയത്. പുതിയ രോഗികളിൽ 402 പേർ പ്രവാസികളും 517 പേർ സ്വദേശികളുമാണ്. 881 പേർക്ക് കൂടി രോഗം ഭേദമായിട്ടുണ്ട്. ഇതോടെ രോഗമുക്തരായവരുടെ എണ്ണം 20363 ആയി.
ആറു പേർ കൂടി മരണപ്പെട്ടതോടെ മരണസംഖ്യ 159 ആയി ഉയരുകയും ചെയ്തു. 16431 പേരാണ് നിലവിൽ അസുഖബാധിതരായിട്ടുള്ളത്. 52 പേരെ കൂടി പ്രവേശിപ്പിച്ചതോടെ ആശുപത്രിയിൽ ചികിത്സയിലുള്ളവരുടെ എണ്ണം 431 ആയി. ഇതിൽ 113 പേർ തീവ്ര പരിചരണ വിഭാഗത്തിലാണുള്ളത്. പുതിയ രോഗികളിൽ 472 പേരാണ് മസ്കത്ത് ഗവർണറേറ്റിൽ നിന്നുള്ളത്. ഇതോടെ മസ്കത്ത് ഗവർണറേറ്റിലെ ആകെ കോവിഡ് ബാധിതരുടെ എണ്ണം 25343 ആയി.
14410 പേർക്ക് ഇവിടെ അസുഖം ഭേദമായിട്ടുണ്ട്. മരണപ്പെട്ടതിൽ 113 പേരും മസ്കത്തിൽ ചികിത്സയിലിരുന്നവരാണ്. സീബിൽ തന്നെയാണ് ഇന്നും കൂടുതൽ രോഗികൾ. 184 പുതിയ കേസുകളാണ് ഇവിടെ റിപ്പോർട്ട് ചെയ്യപ്പെട്ടത്. ബോഷറാണ് പിന്നിൽ. മത്രയിൽ 75 പുതിയ കേസുകളാണ് റിപ്പോർട്ട് ചെയ്യപ്പെട്ടത്.