ഒമാനിൽ 99 പേർക്ക് കൂടി കോവിഡ് 19 സ്ഥിരീകരിച്ചു. ഇതോടെ രാജ്യത്തെ മൊത്തം കോവിഡ് ബാധിതർ 2447 ആയി. പുതുതായി രോഗം സ്ഥിരീകരിച്ചവരിൽ 58 പേർ വിദേശികളും 41 പേർ സ്വദേശികളുമാണ്. അസുഖം സുഖപ്പെട്ടവരുടെ എണ്ണം 495ൽ തന്നെ തുടരുകയാണ്.
1941 പേരാണ് വിവിധ ആശുപത്രികളിൽ ചികിത്സയിലുള്ളത്. മലയാളിയടക്കം മസ്കത്തിൽ ചികിത്സയിലിരുന്ന 11 പേർ മരണപ്പെടുകയും ചെയ്തു. പുതിയ രോഗികളിൽ 79 പേരാണ് മസ്കത്ത് ഗവർണറേറ്റിൽ നിന്നുള്ളത്. ഇവിടെ മൊത്തം കോവിഡ് ബാധിതർ 1747 ആയി.