ഫ്രീ സോൺ വിസ കാലാവധി കുറച്ച് യുഎഇ. ഫ്രീ സോണ് വിസകളുടെ കാലാവധി മൂന്ന് വര്ഷത്തില് നിന്ന് രണ്ട് വര്ഷമാക്കിയാണ് കുറിച്ചിരിക്കുന്നത്. സമഗ്ര വിസാ പരിഷ്കാരങ്ങളുടെ ഭാഗമായാണ് ഫ്രീ സോണ് വിസകളുടെ കാലാവധി കുറച്ചിരിക്കുന്നത്.
നിലവില് തൊഴില് വിസകളുടെ കാലാവധി ഏകീകരിക്കുകയാണ് പുതിയ നടപടിയിലൂടെ സര്ക്കാര് ചെയ്തത്. ഫ്രീ സോണ് അതോറിറ്റികള് തങ്ങള്ക്ക് കീഴിലുള്ള കമ്പനികള്ക്ക് വിസാ കാലാവധി മാറ്റം സംബന്ധിച്ച് സര്ക്കുലറുകള് അയച്ചു.
എന്നാല് മൂന്ന് വര്ഷ കാലാവധിയോടെ ഇതിനോടകം അനുവദിച്ചിട്ടുള്ള വിസകളുടെ കാലാവധി മൂന്ന് വര്ഷം തന്നെ ആയിരിക്കും. അതേസമയം ഇപ്പോള് നടപടികള് പുരോഗമിക്കുന്ന പുതിയ വിസകളുടെ കാലാവധി രണ്ട് വര്ഷമായിരിക്കും. വിസ അനുവദിക്കുന്നതിനുള്ള നടപടികള് അന്തിമ ഘട്ടത്തില് വരെ ഇതിനോടകം ആയിട്ടുള്ളവര്ക്കും നടപടികള് പൂര്ത്തിയാവുമ്പോള് കാലാവധി രണ്ട് വര്ഷം തന്നെയാക്കും. മൂന്ന് വര്ഷ വിസയ്ക്കായി കമ്പനികളില് നിന്ന് ഇടാക്കിയ തുകയില് നിന്ന് മൂന്നാമത്തെ വര്ഷത്തേക്കുള്ള പണം തിരികെ നല്കുമെന്ന് ഫ്രീസോണ് അതോറിറ്റികള് അറിയിച്ചിട്ടുണ്ട്.