റമദാന്‍ പ്രമാണിച്ച്‌ തലസ്ഥാന നഗരിയിലേക്കും വെളിയിലേക്കും പോകുന്ന വാഹന യാത്രക്കാരില്‍നിന്ന് ടോള്‍ ഈടാക്കുന്ന സമയങ്ങളില്‍ മാറ്റം വരുത്തി. റമദാന്‍ മാസത്തില്‍ ശനി മുതല്‍ വ്യാഴം വരെയുള്ള ദിവസങ്ങളില്‍ രാവിലെ എട്ടുമുതല്‍ 10 വരെയും ഉച്ച കഴിഞ്ഞ് രണ്ടു മുതല്‍ നാലു വരെയുമാണ് ടോള്‍ ഈടാക്കുക.
അബുദാബി എമിറേറ്റിലെ പൊതുഗതാഗത റെഗുലേറ്ററായ മുനിസിപ്പാലിറ്റീസ് ആന്‍ഡ് ട്രാന്‍സ്‌പോര്‍ട്ട് വകുപ്പിന് കീഴിലെ ഇന്‍റഗ്രേറ്റഡ് ട്രാന്‍സ്‌പോര്‍ട്ട് സെന്‍ററാണ് (ഐ.ടി.സി) ഇക്കാര്യം അറിയിച്ചത്. തിരക്കേറിയ സമയത്ത് വാഹനം ടോള്‍ഗേറ്റ് കടക്കുമ്ബോള്‍ നാല് ദിര്‍ഹമാണ് ഓരോ യാത്രക്കും ഈടാക്കുക.
