അജ്മാനിലെ സര്‍ക്കാര്‍ കാര്യാലയങ്ങളില്‍ പ്രവേശിക്കാന്‍ നെഗറ്റിവ് പി.സി.ആര്‍ ഫലം നിര്‍ബന്ധമാക്കി. അജ്മാന്‍ ട്രാന്‍സ്പോര്‍ട്ട് അതോറിറ്റി പുറപ്പെടുവിച്ച പുതിയ മാര്‍ഗനിര്‍ദേശങ്ങള്‍ അനുസരിച്ച്‌ സ്പീഡ് വെഹിക്ള്‍ ടെസ്റ്റിങ് സെന്‍ററിലെ കസ്റ്റമര്‍ ഹാപ്പിനസ് ഹാളിലേക്ക് നെഗറ്റിവ് പി.സി.ആര്‍ പരിശോധനഫലം ഉള്ളവര്‍ക്ക് മാത്രമേ പ്രവേശിക്കാന്‍ കഴിയൂ. അജ്മാന്‍ താമസ കുടിയേറ്റ വകുപ്പ് കേന്ദ്രത്തിലേക്ക് പ്രവേശിക്കാനും പരിശോധനഫലം നിര്‍ബന്ധമാണ്‌.
72 മണിക്കൂറിനുള്ളില്‍ നടത്തിയ പരിശോധനഫലം കാണിക്കണം. പ്രവേശന സമയത്ത് സുരക്ഷ ഉദ്യോഗസ്ഥര്‍ക്ക് വാക്സിനേഷന്‍ ചെയ്ത കാര്‍ഡോ കോവിഡ് പരിശോധന ഫലങ്ങളോ കൈമാറണം.
