കൊവിഡ് നിയന്ത്രണങ്ങളില്‍ കൂടുതല്‍ ഇളവ് അനുവദിക്കാനൊരുങ്ങി അജ്‌മാന്‍.രാജ്യത്ത് പാര്‍ട്ടികള്‍ക്കും ഹോട്ടലുകളിലെ വിവാഹ ചടങ്ങുകള്‍ക്കും മറ്റും അനുമതി നല്‍കിക്കൊണ്ടുള്ള സര്‍ക്കുലറാണ് പുറത്തിറക്കിയിരിക്കുന്നത്. ജൂണ്‍ ഒന്ന് മുതല്‍ ഇളവുകള്‍ പ്രാബല്യത്തില്‍ വരും.
ആളുകള്‍ ഒരുമിച്ച്‌ കൂടുന്ന എല്ലാ പരിപാടികളിലും കൊവിഡ് സുരക്ഷാ ചട്ടങ്ങള്‍ കര്‍ശനമായി പാലിക്കണമെന്ന് നിഷ്‍കര്‍ഷിച്ചിട്ടുണ്ട്. പരിപാടികളുടെ സംഘാടകരും പങ്കെടുക്കുന്നവരുമടക്കം എല്ലാവരും കൊവിഡ് വാക്സിന്റെ രണ്ട് ഡോസുകളും സ്വീകരിച്ചവരായിരിക്കണം. പാര്‍ട്ടികളിലും വിവാഹ ചടങ്ങുകളിലും പരമാവധി 100 പേര്‍ക്ക് വരെ പങ്കെടുക്കാം. എന്നാല്‍ ഒരു ടേബിളില്‍ അഞ്ച് പേരിലധികം ഇരിക്കാന്‍ പാടില്ല.
