അൽ ദഫ്ര മേഖലയിലെ എല്ലാ ആശുപത്രികളും കോവിഡ് മുക്തമായതായി എമിറേറ്റ്സ് മീഡിയാ ഓഫീസ് അറിയിച്ചു. മദീനത്ത് സായിദ്, ഗായതി, ദാൽമ, അൽ സില, അൽ മർഫാ, ലിവ, റുവൈസ് എന്നിവിടങ്ങളിലാണ് അൽ ദഫ്രയിലെ പ്രധാന ആരോഗ്യകേന്ദ്രങ്ങളുള്ളത്. ആരോഗ്യ പ്രവർത്തകരുടെ നിരന്തരശ്രമങ്ങളുടെ ഫലമായാണ് ഈ നേട്ടം കൈവരിച്ചത്.
നാഷണൽ സ്ക്രീനിങ് പ്രോഗ്രാമിന്റെ ഭാഗമായി വലിയതോതിലുള്ള കോവിഡ് പരിശോധനകളാണ് നടന്നത്. അതിലൂടെ വൈദ്യസഹായം ആവശ്യമുള്ള കേസുകളുടെ എണ്ണം കുറയ്ക്കാനായതായും മീഡിയാ ഓഫീസ് ട്വീറ്റ് ചെയ്തു. വെള്ളിയാഴ്ച ശൈഖ് ശക്ക്ബൗട്ട് മെഡിക്കൽ സിറ്റി, അൽഐൻ തവാം ഹോസ്പിറ്റൽ എന്നിവയും അഡ്നെക്ക് ഫീൽഡ് ഹോസ്പിറ്റൽ, മെഡ്ക്ലിനിക്കും കോവിഡ് മുക്തമായതായി ആരോഗ്യവകുപ്പ് അറിയിച്ചിരുന്നു.